Ο Κωστίκας άσο Κιλκίς (το 1970) περίπου επήεν ση Θεσσαλονίκη να εφτάει έναν δουλειάν και ξαν να κλόσκεται οπίς.
Επίεν σο λεφωρείον (άσ εκείνα τα παλαιά με τη σκάλαν απάν μερέαν) εδέκαν ατόν και το εισητήριον ατ με την θέση 35 οπίς οπίς.
Μπέν απές εβρίκ την θέση και το λεφωρείον αρχινά, περ τα στράτας,κουνίεται, λάγκευε (ατότες δρόμος με άσφαλτο και έτον) απές σο χοματόδρομον,κρούει σα τρυπία τη στράτας, απές ο Κωστίκας εχάθεν, υδρών, τα ηντέρε ατ ταράουνταν, η χράν ατ εξίεν, έντον αμόν το πανί εθάρει θα ποθάν, το άνασμα τ εκόπεν.
Πορπατεί το λεφωρείον και ο Κωστίκας εθαρεί θα λυγοθυμά όταν από κάποτε έφτασεν σο Κιλκίς.
Κατήβεν τα ποδάρια ατ τρομάζνε κι πορεί να πορπατεί, περ τη στράτα για το σπίτ τένγκελ μέγκελ αμόν μεθυσμένος θερεί εκόπεν το σολούχ νατ, όταν από κάποτε φταν σο κατωφίρ τη σπίτι ελέπ ατόν η γαρήν ατ και λέει ατόν:
---- Νέτση ντέ-παθες και πορπατείς άμον σασουρεμένος, η χράς έξιεν, τ ομάτιας εξέβανε ντο εν ατα τα χάλιας;
----Άφσον γαρή ντο έπαθα εθάρεσα θα βγέν η ψημ απές σο λεφωρείον τα ηντέρε αμ εταράγανε εζαλήγα εδέκανε με την 35 θέσην οπίς μερέαν....
----Αφού έλεπες κι μπόρνες γιατί κι ψαλάφεσες από έναν νέον παιδά να αλλάζεται θέσην; λέει η γαρήν ατ.
----Αναθεμάσε λάλα και με τήναν να αλλάζω μαναχός έμνε απές σο λεφωρείον.
Επίεν σο λεφωρείον (άσ εκείνα τα παλαιά με τη σκάλαν απάν μερέαν) εδέκαν ατόν και το εισητήριον ατ με την θέση 35 οπίς οπίς.
Μπέν απές εβρίκ την θέση και το λεφωρείον αρχινά, περ τα στράτας,κουνίεται, λάγκευε (ατότες δρόμος με άσφαλτο και έτον) απές σο χοματόδρομον,κρούει σα τρυπία τη στράτας, απές ο Κωστίκας εχάθεν, υδρών, τα ηντέρε ατ ταράουνταν, η χράν ατ εξίεν, έντον αμόν το πανί εθάρει θα ποθάν, το άνασμα τ εκόπεν.
Πορπατεί το λεφωρείον και ο Κωστίκας εθαρεί θα λυγοθυμά όταν από κάποτε έφτασεν σο Κιλκίς.
Κατήβεν τα ποδάρια ατ τρομάζνε κι πορεί να πορπατεί, περ τη στράτα για το σπίτ τένγκελ μέγκελ αμόν μεθυσμένος θερεί εκόπεν το σολούχ νατ, όταν από κάποτε φταν σο κατωφίρ τη σπίτι ελέπ ατόν η γαρήν ατ και λέει ατόν:
---- Νέτση ντέ-παθες και πορπατείς άμον σασουρεμένος, η χράς έξιεν, τ ομάτιας εξέβανε ντο εν ατα τα χάλιας;
----Άφσον γαρή ντο έπαθα εθάρεσα θα βγέν η ψημ απές σο λεφωρείον τα ηντέρε αμ εταράγανε εζαλήγα εδέκανε με την 35 θέσην οπίς μερέαν....
----Αφού έλεπες κι μπόρνες γιατί κι ψαλάφεσες από έναν νέον παιδά να αλλάζεται θέσην; λέει η γαρήν ατ.
----Αναθεμάσε λάλα και με τήναν να αλλάζω μαναχός έμνε απές σο λεφωρείον.
Δεν υπάρχουν σχόλια:
Δημοσίευση σχολίου