Η ποπαδία έχει 3 χρόνια ντο απέθανε.

Σ έναν χωρίον έτον ένας δέσκαλος καινούριος σα εινα τοπία κανέναν πα κι εξέρνεν επολέμανεν να εφτάει καμίαν φιλίαν με τη χορέτες.
Άμον έτον και έναν ξάει ψάλτης επίκεν γνωριμίας με τον ψάλτη τη χώρι.
Από Κάποτε εγνώρσαν καλά είνας τον άλλο λέει ο ψάλτες τον δέσκαλον----- τερέν ας όθεν έρθες σο χωρίον και πεκεί επίκα φιλίας με την ποπαδία και την απάν Κερεκή αναμέν με να εφτάμε την δουλείαν όθεν ο ποπάς έτον σην εκκλησίαν.
Για τα το θα πιάντς την καλατσήν το ποπά ους να εφτάω τη δουλεία.
Ο δέσκαλον εχπαράεν με το ψάλτε και λέει ατόν----- ατο ντο λες κι είνεται πως να εφτάω αείκο κρίμα;
Ο δεβολεμένος ο ψάλτες λέει ατόν----αν κι έφτας θα λέγω τι χορέτες να μη καλατσεύνε σε κανένας και κανένας κι βάλτσε σο σπίτ νατ και να χάνε τα παιδία ασο σχολείο και θα απομέντς χωρίς δουλείαν ατότε ντο θα εφτάς ;
Ο δέσκαλον άλλο κι πόρνε να εφτάει είπεν το ναι.
Έρτε η Κερεκηή σουμόν η απόλεσην τη εκκλησίας ο δέσκαλον ενούνιζεν ντο να εφτάει.
Λέει ασο νουτ---- εσυ μορφωμένος άνθρωπος είσαι μη αφήντς να κολατήσε ατός ο σέφτελον.
Και εκοίνεσεν να λέει σον ποπά την αλήθεια. Άμον εσούμοσεν τον ποπά λέει ατόν ---- ποπά θα εξομολόγας με ;
ο ποπάς λέει ατόν ---- γιάβρουμ απούρνα ατώρα έχω δουλειάν ---άτωρα θέλω λέει ο δέσκαλον να μη γίνεται το κρίμα ----πιον κρίμα λέεια ο ποπάς.
---- ατός τη σκύλ ο γιόν ο ψάλτες έβαλε με να πιάνω σε ση καλατσίν και ατός να επάει σο σπίτι σ να μαγαρίζ την ποπαδία αλλά εγώ και πόρνα να εφτάω και είπα το σε σεν.
Ο ποπάς λέει ατόν ---- πουλίμ άφσα τα και δέβα σο σπίτι σ. Φουνίζ ο δέσκαλον και λέει ατόν ---- Ποπά εκοφόθες γιόκσιμ εζάντηνες λέω σε ο ψάλτες ατώρα λαγκεύε την ποπαδία!!!! Τσάιχτα λέει ατόν ο ποπάς ---- Ε και τη άχαρε, εύκερε, μπογαλεμένε δέβα αλήγορα σο σπίτι σ η ποπαδία έχει 3 χρόνια ντο απέθανε.