Ο Γιωρίκας σο σπίτ ατούν είχεν έναν κάτα.
Άναχάπαρα ερχίνεσεν να εφτάει ζημίας, να τσερίζ τα κουρτίνας,
τα σεντόνια και τα ντιβάνοσκεπάσματα και ούλεα πα επίνεν τα παν αφκά.
Έναν ημέραν λέει ατόν η γαρήν ατ " έπαρ ατέν τη δεβόλ την κάτα και δέβα
χάσον ατέν ας ξαν να μη ελέπα τεν όλεν το σπίτ εχάλασεν".
Επέρεν ατέν ο Γιωρίκας και πάει α ση Σταύρουπολη σον Εύοσμον ας λέμε εκεί
απές να μη εβρίκ ξαν τη στράτα να χάτε. Σίτε κλόσκετε οπίς επέρ ατόν σο κινητό η γαρήν ατ και λέει ατόν.
---" νέπε μερ έχασες την κάτα ατέν ξαν αδά εν"
--- μο την πίστης και την κάτας λέει ο Γιωρίκας.
Την άλεν ημέραν σκούτε και πάει την κάταν αση Σταυρούπολη σον Εύοσμο και πε κει Αμπελοκήπους
ση Συκιές απές σα Κάστρα και νουνίζ " ατώρα ας ελέπω πως θα εβρίκς την στράτα".
Αμον επίκεν την δουλείαν ση στράταν η γαρήν ατ περ ατόν τηλέφωνον:
--- καλά κι είπασε να χανς ατη τη κάτα βίον μερ επίες ατέν ξαν αδά εν.
---ξαν αδά εν; ατο πα κι είνεται άνάθεμα αϊκον κάτα είπεν ο Γιωρίκας.
Σκούτε την άλλην ημέραν γουζεμένος περ την κάτα και περ τα στράτας κατείβεν Τούμπα απε κει σο Κέντρο
κλόσκετε για την Καλαμαριάν εκεί απές σα στενά σον Αε Γιάννην και νουνίζ και λέει : ατώρα εχάθες κι πορείς να εβρίκς τη στράταν.
Επέρ και ο Γιωρίκας τη στράτα να πάει σο σπίτ νατ κρούει το τηλέφωνον :
---- ανάθεμασε μπογαλεμένε τηδέν κι πορείς να εφτάς μερ έχασες την κάτα ατέν ξαν οπίς έρθεν τσιαίζ η γαρήν ατ.
--- έρθεν οπίς; λέει νεγκασμένος ο Γιωρίκας, γουρπάν εις πεα ατέν να έρτε σο τηλέφωνον λέει με την στράταν εγώ πα εχάθα να χεζ απές!
Δεν υπάρχουν σχόλια:
Δημοσίευση σχολίου